tooooty مصطباوى جديد
عدد الرسائل : 9 العمر : 74 العمل/الترفيه : Accountant تاريخ التسجيل : 26/01/2009
| موضوع: ضحك * ضحك الثلاثاء يناير 27, 2009 11:48 pm | |
| 5 فروق بين البطة والوزة 1- تقدر تحلق شعرك زلبطة لكن ماتقدرش تحلقة زلوزة 2- فية رحالة اسمة ابن بطوطة لكن مافيش رحالة اسمة ابن وزوزة 3- تقدر تبلبط في البحر لكن ماتقدرش تبلوز فية 4- كلنا بنتغطى في الشتاء ببطانية لكن مابنتغطاش بوزانية 5- الوزة كانت زمان بطة لكن الشيطان وزها
**************** س: ما الفرق بين الكمبيوتر و الاتوبيس و الحفرة ؟ ج:الكمبيوتر .. حاسب آلى والاتوبيس .. حاسب يا اسطى والحفرة .. حاسب لاتقع ***************** مرة واحد طويل جدا شرب لبن مات ليه؟ لان اللبن صلاحيته انتهت قبل ما ينزل بطنه ***************** واحد تاية بيسال واحد ماشي في الشارع اقرب طريق للمستشفي ايه قاله غمض عينك و عدي الشارع ***************** مرة واحد كل ما يشوف البرق يضحك ليه ؟ عشان يطلع حلو فى الصورة ***************** مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي *****************
صيدلي اتجوز صيدلانية... خلفوا تركبية... بدل ما يهشتكوها.. كانوا بيرجوها *****************
واحد أعمى فتّح ... من الفرحة اتشل **************** واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت **************** واحد بيسأل صاحبه هو ايه الفرق بين تجارة الحشيش وتجارة عين شمس ؟ قام صاحبه قاله تجارة عين شمس 4 سنين انما تجارة الحشيش أقلها 25 سنة **************** واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟؟ *****************
بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد ***************** مرة مدرس بيقول لطالب مين الحيوان الى بيصحيك كل يوم قال الطالب قال ابويا ***************** اتصل واحد على زوجته وقال لها "انا ربحت مليون دولار جهزي شنطتك بسرعة"
فقالت الزوجة:" طيب اجيب معاي هدوم صيف أو شتاء؟"
فرد عليها : "شيلي كل اللي تعوزيه المهم ارجع ومشوفكيش فى البيت"" *****************
واحد معه ارنب عاوز يشوف هو ذكر ولا انثى سأل محشش قاله المحشش: "اتركه اذا جرى فهو ذكر واذا جريت فهي انثى" **************** في واحد كل يوم يروح البقاله يقولهم عندكم اسكريم بالكوسه يقوله لا طفش البقال منه قاله ايوة عندنا عندنا قاله يعععععععععععععععععععععع *****************
مزارع بيزرع جزر تقوم الارانب تاكل المحصول
قام صاد الارانب وخلع ضروسهم.........علشان ما يعرفوش ياكلوا الجزر
ثاني يوم قام المزارع عشان يحصد المحصول فلم يجد المحصول ايضا
راح عند الارانب وسألهم قالوله
هاهاهاي عملناه عثير وثربناه ههههههههههههههه **************** واحد غبى بيلف علي اكشاك السجاير يقول للبياع بتعرف تتكلم انجليزي يقوله البياع....لا ....يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو
**************** زوجة قالت لزوجها: قلى كلمة حلوه قالها: بسبوسة قالت يا راجل قلى كلمة تهزني..قالها: .... مرجيحة؟؟ ....قالت له حرام عليك قلى كلمة تشعرنى انى مراتك ....
قالها :روحى وانتى طالق
*****************
| |
|
le prince مصطباوى جديد
عدد الرسائل : 5 تاريخ التسجيل : 25/01/2009
| موضوع: رد: ضحك * ضحك الأربعاء يناير 28, 2009 12:11 am | |
| | |
|
كبير المصطبه Admin
عدد الرسائل : 42 العمر : 37 العمل/الترفيه : طالب تاريخ التسجيل : 24/01/2009
| موضوع: رد: ضحك * ضحك الأربعاء يناير 28, 2009 12:44 am | |
| نورتى المنتدى يا باشا بجد نكت جامده جدا شكرا ومستنى منك المزيد
| |
|